نزلت النهاردة زي مااتفقنا اننا ننزل الشوارع ونشوف الناس عندها علم أو دراية عن اللي هيحصل يوم 19 مارس من استفتاء على التغييرات الدستورية .
أنا كان نفسي افرحكم واقول خير بس اللي شفته كان غير مبشر على الاطلاق :
بعض الناس كانت رافضة تماما تتكلم معايا بحجة الخوف والشك لسا النظام القديم مسيطر عليهم وهاجس ان الكلام في السياسة هايوديهم في داهية ده كان كلام عم شعبان 68 سنة فارش بمفكات ومفاتيح انابيب وشواكيش رفض اني الصوره أو اخد اسمه بالكامل .
أول ماسألته عن التعديلات الدستورية قال لي يلا أمشي من هنا خربتوا البلد قلت له أنا اسفة وأخدت بعضي ومشيت راح منادي عليَّ تعالي هنا رحت رجعت له وقالي انت عاوزة ايه ؟ ثورة ؟ ماحصلت الثورة .. مبارك امسكوه وحاكموه على اللي خده بس ماتجوش كل يوم كل واحد يعمل اعتصام وقفتوا حالنا ماأنا بقى حاجة مش عجباني هاعمل اعتصام وحسن - جاره بيصلح عجل - يروح يعمل اعتصام أنا مش عارف - لسا الكلام على لسان عم شعبان - أنا مش عارف اروح اقبض معاشي علشان موظفين البوسطه عاملين اضراب
مفيش خير يا بنتي زمان كان كل واحدة تعمل حلة طبيخ تروح غارفة طبق وبعتاه لجارتها , دلوقت الوحدة من دول تشتيري بجنيه برسيم تخبيه في" جلبتيها" وهي داخلة البيت علشان محدش يشوفها
...........
عaعابد حسين صالح 34 سنة بطاقته بتقول انه عامل تبرد وتكيف بس هو بيشتغل مندوب مبيعات بيبيع اطباق وكوبيات ازاز سألت عماد هتروح الاستفتاء على الدستور قالي استفتاء ايه على ايه يا ابلة ؟ واضح انه ميعرفش حاجة عنه حاولت اشرح له بصعوبه قال لي طيب أنا اروح ماشي بس اروح اقول آه أو لأ على حاجة معرفهاش ؟؟ معرفتش ارد عليه ..
سألته طيب هاتنتخب مين لو قدامك البرادعي وعمرو موسى وحمدين صباحي قال لي احب احتفظ بالاجابة لنفسي معرفش ايه وجه السرية في كده بس شكرته وقلت له قشطه يا عماد.
واحد تالت فلاح بسيط كان داخل مجلس المدينة عنده شكوى لانه راح يركب عدد كهربا فطلبه منه" مقايسة "في "مكتب هندسي" وبيقول ان ده ماكانش بيحصل زمان أيام " الريس" وانتوا بتصعبوا الدنيا كده .. سألته عارف حاجة عن استفتاء التعديلات الدستورية الجديدة قال لي لأ
..........
محدش قال لي أي حاجة ومعرفش حاجة
جمال الفرماوي وسيد الفرماوي تتراوح اعمارهم بين 40 45 سنة عمال في بوفيه سألتهم نفس السؤال قالوا مش رايحين ومش عاوزين نقول آه أو لأ على حاجة منعرفهاش ماتطبخوش الطبخة وتاكلوها لنا .. بيوجه كلامه ليَّ أنا اني أنا اللي طبخة الدستور أنا وصحابي .
سألته عن البرادعي وعمرو موسى وحمدين وايمن نور قال لي أنا مع عمرو موسى البرادعي ده راجل بتاع امريكا وأنا مبحبوش
واحد اتدخل في الكلام نسيت اخد اسمه قال لي :
.......
احمد يسري مقاول 33 سنة يبدو انه ملم بموضوع التغييرات وان فه استفتاء بس مشكلته انه محدش شرح له ايه الاستفتاءات دي وليه وكده لكنه قال انه أما يفهم هيروح الاستفتاء ويقول آه أو لأ حسب مايشوف بس اهم حاجة يفهم ايه هي المواد وايه اللي هايتغير
هو ده الشارع يا اخوانا الحصيلة تكاد تكون صفر واحنا قاعدين على فيسبوك وتويتر نعيد ونزيد في ذات نفس الكلام مابنزهقش
لازم لازم لازم حملة تثقيفية للناس دي
آه بالنسبة للستات اللي قابلتهم ولا واحدة وافقت تتكلم معايا... يا ريت بتوع مليونية المرأة بدل ماينزلوا التحرير ينزلوا يشوفوا خيبة الستات القوية.
أنا كان نفسي افرحكم واقول خير بس اللي شفته كان غير مبشر على الاطلاق :
بعض الناس كانت رافضة تماما تتكلم معايا بحجة الخوف والشك لسا النظام القديم مسيطر عليهم وهاجس ان الكلام في السياسة هايوديهم في داهية ده كان كلام عم شعبان 68 سنة فارش بمفكات ومفاتيح انابيب وشواكيش رفض اني الصوره أو اخد اسمه بالكامل .
أول ماسألته عن التعديلات الدستورية قال لي يلا أمشي من هنا خربتوا البلد قلت له أنا اسفة وأخدت بعضي ومشيت راح منادي عليَّ تعالي هنا رحت رجعت له وقالي انت عاوزة ايه ؟ ثورة ؟ ماحصلت الثورة .. مبارك امسكوه وحاكموه على اللي خده بس ماتجوش كل يوم كل واحد يعمل اعتصام وقفتوا حالنا ماأنا بقى حاجة مش عجباني هاعمل اعتصام وحسن - جاره بيصلح عجل - يروح يعمل اعتصام أنا مش عارف - لسا الكلام على لسان عم شعبان - أنا مش عارف اروح اقبض معاشي علشان موظفين البوسطه عاملين اضراب
مفيش خير يا بنتي زمان كان كل واحدة تعمل حلة طبيخ تروح غارفة طبق وبعتاه لجارتها , دلوقت الوحدة من دول تشتيري بجنيه برسيم تخبيه في" جلبتيها" وهي داخلة البيت علشان محدش يشوفها
...........
عaعابد حسين صالح 34 سنة بطاقته بتقول انه عامل تبرد وتكيف بس هو بيشتغل مندوب مبيعات بيبيع اطباق وكوبيات ازاز سألت عماد هتروح الاستفتاء على الدستور قالي استفتاء ايه على ايه يا ابلة ؟ واضح انه ميعرفش حاجة عنه حاولت اشرح له بصعوبه قال لي طيب أنا اروح ماشي بس اروح اقول آه أو لأ على حاجة معرفهاش ؟؟ معرفتش ارد عليه ..
سألته طيب هاتنتخب مين لو قدامك البرادعي وعمرو موسى وحمدين صباحي قال لي احب احتفظ بالاجابة لنفسي معرفش ايه وجه السرية في كده بس شكرته وقلت له قشطه يا عماد.
واحد تالت فلاح بسيط كان داخل مجلس المدينة عنده شكوى لانه راح يركب عدد كهربا فطلبه منه" مقايسة "في "مكتب هندسي" وبيقول ان ده ماكانش بيحصل زمان أيام " الريس" وانتوا بتصعبوا الدنيا كده .. سألته عارف حاجة عن استفتاء التعديلات الدستورية الجديدة قال لي لأ
..........
محدش قال لي أي حاجة ومعرفش حاجة
جمال الفرماوي وسيد الفرماوي تتراوح اعمارهم بين 40 45 سنة عمال في بوفيه سألتهم نفس السؤال قالوا مش رايحين ومش عاوزين نقول آه أو لأ على حاجة منعرفهاش ماتطبخوش الطبخة وتاكلوها لنا .. بيوجه كلامه ليَّ أنا اني أنا اللي طبخة الدستور أنا وصحابي .
سألته عن البرادعي وعمرو موسى وحمدين وايمن نور قال لي أنا مع عمرو موسى البرادعي ده راجل بتاع امريكا وأنا مبحبوش
واحد اتدخل في الكلام نسيت اخد اسمه قال لي :
.......
احمد يسري مقاول 33 سنة يبدو انه ملم بموضوع التغييرات وان فه استفتاء بس مشكلته انه محدش شرح له ايه الاستفتاءات دي وليه وكده لكنه قال انه أما يفهم هيروح الاستفتاء ويقول آه أو لأ حسب مايشوف بس اهم حاجة يفهم ايه هي المواد وايه اللي هايتغير
هو ده الشارع يا اخوانا الحصيلة تكاد تكون صفر واحنا قاعدين على فيسبوك وتويتر نعيد ونزيد في ذات نفس الكلام مابنزهقش
لازم لازم لازم حملة تثقيفية للناس دي
آه بالنسبة للستات اللي قابلتهم ولا واحدة وافقت تتكلم معايا... يا ريت بتوع مليونية المرأة بدل ماينزلوا التحرير ينزلوا يشوفوا خيبة الستات القوية.
نفس المشكلة معايا ...
ReplyDeleteبس ابتديت حملة تويترية وايميلية وفيسبوكية ..
وعلي الله قصد السبيل
غير طبعأ بلدي وحبايبي والمجتمع والناس
دول يساعدوكي الكترونياً
نص التعديلات الدستورية
http://t.co/8KFJ4qn
نقد التعديلات الدستورية
http://t.co/9XoljWM
http://t.co/bVpMHA5
عمرك أطول من عمرى أنا لسة كنت حتكلم فنفس الموضوع وكنت ناوى أزود إن مش بس كده لا دى كل طبقة مش حاسة بالتانية وكل طبقة مش هامها إلا نفسها وكل طبقة بتبص للتانية بأحتكار وبقرف وتعالى حتى من تحت لفوق مش بص من فوق لتحت
ReplyDeleteانا وكستنى اوكس عشان بتعامل مع طلبة وموظفيين أكتر ودول المفروض إن وعيهم اعلى بس مع الأسف المفروض الحصيلة نفس الناتج اللى وصلتيلة بالظبط وأنيل كمان
المهم يعنى Good luck وأمرى لله
طيب عرفتوا معنى ان المصريين لا يمتكلون ثقافة الديمقراطية انا عاوز اغير فى ناس اصلا مش فاهمة يعنى اية تغير تتوقعى اللى هيجى هيعمل الفئات دى من الناس ازاى يعنى مش هيكون زى اللى سابقه بمعنى ادق كنا بنعيب على النظام القديم كلمة ها اللى بيقول فيه هشوف هعمل هنحاول وغيره من ها لانهم ملقويش المواطن اللى فاهم والاغلبية بتبعد نفسها عن الفهم علشان لقمة العيش نفس المنطق دا استخدمه البرداعى امبارح فى اجابتة على اسئلة يسرى فودة يعنى بيسئلة هترفع للمواطن راتبة ازاى قاله انا معرفش موارد مصر لكن هنشوف وبعدين يايسرى انا هجمع المثقافين والعلماء المصريين اللى برة علشان نتطور التعليم انا انصدمت لانه حتى مش مركز فى الردود وبيخرج من موضوع لموضوع مش مرتب افكاره ولا رؤيته ولا لتعاملة مع المصريين البسطاء وكان بيعيب على النظام السابق ان مصر غنية وانت مش عارف تقى شعبك شر الحاجة طيب مانت اجابتك ادعى انك كمن سبقكك ان لما تكن اسواء لجهلك والتفافك
ReplyDeleteعلى فكرة انا لانظام قديم ولا حزب وطنى ولا ولا ومش معنى كلامى انى بساند النظام القديم لانى من اشد مؤيدى التغير لانه بقى من السهل علينا تخوين بعض جدا انا اللى يهمنى مش هقولك مصر خالينى اقولك محيطى الخاص اسرتى لانه دا هيجبرك على الاهتمام بالاكبر انى احفظ كرامتى وكرمتهم لكن بامانه مش شايف دا فى المستقبل ودا لينك جالى من احد اصدقائى انا شوفته فزاد يقينى انه لازم احمى محيطى اكتر حتى وان قومت بدور التوعية فيهم فالحرية مش هتتنصب بين يوم ولليله لانه احنا جوانا قيود كتير عليها
http://www.youtube.com/watch?v=4C7R8SJmbhY
s.m
أتفق معاكى جداً الشعب مش كله تويتر ولا فيس بوك الناس الى بره محتاجة توعية أكبر وأضخم
ReplyDeleteوالستات الى عايزة تعزز دورها فى المجتمع أقل حاجة تعملها انها توعى مثيلاتها