من يمتلك المعرفة كلها يبقى هايضيف على قائمة المستحيلات الثلاثة مستحيل رابع
اللي حصل النهاردة على تويتر من حساب يسمي نفسه الاناركيون العرب أو اللاسلطويون العرب
@arabAnarchists
كان بيأكد ان عمرنا عمرنا عمرنا ماهنسمع بعض
وانه حتى لو كنت تمتلك مفاتيح الحكمة وخزائن المعرفة وسراديب الاسرار الكونية ومعندكش أسلوب توصلهم للناس
تبقى زي الحمار
تحمل أسفار
يعني كل العلم اللي حضرتك بتتباهى بيه على باقي خلق الله ساعتها هايبقى و لا حاجة وهاينفر الناس -اللي هما أصلا مش طايقينك أو طايقين حتى فكرة التغيير التغير مش هدم الأنظمة - أكتر ماهيقربهم منك
الحكاية زهقتني وأنا بعترف اني بزهق بسرعة أما يومي يبدأ بنافورة طاقة سلبية
عادي يعني مش عيب أما اعترف بنقطة من نقاط ضعفي بس خليك جنتل وماتستخدمش النقاط دي معايا .
كل الحكاية اني لاقيت تغريدة معاها رابط كالتالي
التجربة الاناركية الحية الآن هي التجربة الزاباستستيه في اقليم تشاباس
العنوان شدني يعني هو الحقيقة اضحكني لاني افتكرت فيلم" فيفا زاباتا " بتاع فؤاد المهندس بالاضافة الى تقعيرة العنوان فعملت ريتوت للتغريدة و صدرته بتعليق مني
: ينفع كده والنبي
كنت عالموبايل ساعتها
يعني كان صعب افتح الرابط علشان اقرأ التدوينة
وبس يا فندم هوب لقيت صاحب الاكاونت كأنه اتشتم بالام والأب
وسألني :" ماوجه اعتراضك على المقال ؟"
جاوبته :" أنا لم اقرا المقال يا سيدي لاني على الهاتف الخليوي مااضحكني هو العنوان وعذرا إذا كان هناك سوء فهم"
يعني1- فهمته انه لم اقل ان المقال لم يعجبني
و2- أعطيته سبب وهو عدم تمكني من قراءة المقال
و3- اعتذرت لو كان هناك سوء فهم
المفروض كده الموضوع انتحر وخلص
فاعطاني نبذة ملخصة عن كفاح الزاباتستيين وانهم حركة موجودة منذ بداية القرن العشرين
لحد كده شكرا
لكن يبدو ان الأخ الاناركي العربي كان فاضي أو ممكن تقول مواضيعهم محدش بيقراها غيره هو واللي معاه عالتويتر
قامت قيامته بقى
أنا متهيأ لي لو كنت شتمته بالاب أو الام أو لا قدر الله غلطت في سيدنا النبي ماكانش زعل كده
بدا بقى يحاول يحرجني ويفهمني قد ايه أنا ثقافتي ضحلة ولا تتعدى افلام فؤاد المهندس- بس أنا مسكتش أنا قلتله ان اخري في الثقافة أفلام علي الكسار - وكأني المفروض ماتفرجش غير على الافلام اللي بيعرضها المركز الثقافي الروسي أو احضر نوادي السينما في سفارة السويد واسبانيا علشان ابقى مثقفة تمام !!
غير كده بقى لقيت هجوم كاسح من اتنين محترمين جدا الحقيقة كانوا بيتهموني بالجهل والغباء والبيضا **
واني قد ايه منعدمة الثقافة وغبية
هو لازم علشان ابقى سوبر مثقف أعرف حاجات أنا مش مهتمة اني اعرفها ؟
أو اني مضحكش على عنوان بالنسبة لي يبدو مضحك دون سخرية من الفكرة اللي جواه ؟
دي طريقتي على فكرة عالتويتر اني بقابل معظم الحاجات بسخرية, لاذعة في كتير من الأحيان
بس الناس قابلاني على عيبي ده ولو زودتها بلاقي اللي بينبهني فبعتذر لو كان الامر يتوجب الاعتذار وبس
أنا اللي ضايقني سفالة وقلة أدب الاخين الاناركيين اللي دخلوا في الخط وشتموا ابشع شتايم
كأنهم كانوا منتظرين حاجة زي دي..
بجد كنت مصدومة قوي في اللي عاملين نفسهم محترمين ولمجرد انك اختلفت معاهم "خلاف ظاهري " بقوا اسفل من اسفل بني ادم سافل ممكن تقابله في حياتك
طيب لو كان الاخ صاحب الحساب ويبدو انه عارفني لانه ناداني بـ اسمي ... يبدو كمان انه أنا مش عاجباه أو مضيقاة في حاجة وكان منتظر اللحظة اللي يفجر كل طاقته السلبية تجاهي وفعلا لقاها..
لو كان حاول يفهمني بدون سخرية من عدم معرفتي بالزابتاستيين أنا كنت ممكن احترمه كل اللي عمله انه قعد يقول لي قد ايه اني
تعيسة وانه "هناك ماهو افضل بكثير من أفلام فؤاد المهندس افضل بكثير واكثر ثقيفا
وان التجربة موجودة وحية وان هناك رفاق في تشاباس يدفعون ثمن تجربتهم بالحديد والنار ومرة اخرى والكلام لسة على لسان صاحب حسب الاناركيون العرب
مرة اخرى ليس معنى السلطوية ان اقبل بسخريتك وأرائك فمن حقي ان اضحد ارائك اسذا كانت غر مؤسسة على براهين
ثم اضاف الحاج صاحب الحساب : استاذة سارة -- طلع يعرفني يعني وكده - استاذة سارة إذا كانت معلوماتك عن زاباتا فيلم فقد المهندس فلا حاجة لنا ان نتعالى
على ثقافتك العظيمة
الراجل كان فعلا عنده حرمان انه يتجاذب اطراف الحديث مع بني ادمين من لحم ودم كونه ان كلمتي "ينفع الكلام ده والنبي " تخليه يعمل
كل الحوار ده هو والمحترمين الاشاوس اللي كانوا معاه ده معناه انه عنده فراغ اجتماعي متأصل
ومصدق لقى حد يطلع فيه همه
وأنا من مزنقي هذا بقول له أنزل أي شارع في مصر وقول" أنا اناركي " والواجب اللي هيتعمل معاك أنا مش مسئولة عنه
والله انت وغيرك بتصعبوا عليَّ
كان ممكن بأسلوب اهدى وايقاع ارسى من كده تفهمني بالراحة رغم اني مكنتش عاوزة افهم
واعتذرت من بداية الكلام بس هو فعلا كده الناس دي فاضية
كلامي طبعا ليس تعميما على كل اللاسلطويين
لأني أعرف منهم ناس محترمة جدا ومستعدين يبسطوا لك أي معلومات ويروحوا معاك لحد صحراء الكالهاري لحد مايقنعوك بفكرهم في الغالب انت مش بتقتنع بيه
بجد أنا حزينة
التعالي على الناس واسلوب الحوار أما يبقى كده من فئة تدعي الثقافة و تنادي بالحوار وعند أول يو ترن في الخلاف يقلبوا على الوش القبيح ده!!
اخص
اللي حصل النهاردة على تويتر من حساب يسمي نفسه الاناركيون العرب أو اللاسلطويون العرب
@arabAnarchists
كان بيأكد ان عمرنا عمرنا عمرنا ماهنسمع بعض
وانه حتى لو كنت تمتلك مفاتيح الحكمة وخزائن المعرفة وسراديب الاسرار الكونية ومعندكش أسلوب توصلهم للناس
تبقى زي الحمار
تحمل أسفار
يعني كل العلم اللي حضرتك بتتباهى بيه على باقي خلق الله ساعتها هايبقى و لا حاجة وهاينفر الناس -اللي هما أصلا مش طايقينك أو طايقين حتى فكرة التغيير التغير مش هدم الأنظمة - أكتر ماهيقربهم منك
الحكاية زهقتني وأنا بعترف اني بزهق بسرعة أما يومي يبدأ بنافورة طاقة سلبية
عادي يعني مش عيب أما اعترف بنقطة من نقاط ضعفي بس خليك جنتل وماتستخدمش النقاط دي معايا .
كل الحكاية اني لاقيت تغريدة معاها رابط كالتالي
التجربة الاناركية الحية الآن هي التجربة الزاباستستيه في اقليم تشاباس
العنوان شدني يعني هو الحقيقة اضحكني لاني افتكرت فيلم" فيفا زاباتا " بتاع فؤاد المهندس بالاضافة الى تقعيرة العنوان فعملت ريتوت للتغريدة و صدرته بتعليق مني
: ينفع كده والنبي
كنت عالموبايل ساعتها
يعني كان صعب افتح الرابط علشان اقرأ التدوينة
وبس يا فندم هوب لقيت صاحب الاكاونت كأنه اتشتم بالام والأب
وسألني :" ماوجه اعتراضك على المقال ؟"
جاوبته :" أنا لم اقرا المقال يا سيدي لاني على الهاتف الخليوي مااضحكني هو العنوان وعذرا إذا كان هناك سوء فهم"
يعني1- فهمته انه لم اقل ان المقال لم يعجبني
و2- أعطيته سبب وهو عدم تمكني من قراءة المقال
و3- اعتذرت لو كان هناك سوء فهم
المفروض كده الموضوع انتحر وخلص
فاعطاني نبذة ملخصة عن كفاح الزاباتستيين وانهم حركة موجودة منذ بداية القرن العشرين
لحد كده شكرا
لكن يبدو ان الأخ الاناركي العربي كان فاضي أو ممكن تقول مواضيعهم محدش بيقراها غيره هو واللي معاه عالتويتر
قامت قيامته بقى
أنا متهيأ لي لو كنت شتمته بالاب أو الام أو لا قدر الله غلطت في سيدنا النبي ماكانش زعل كده
بدا بقى يحاول يحرجني ويفهمني قد ايه أنا ثقافتي ضحلة ولا تتعدى افلام فؤاد المهندس- بس أنا مسكتش أنا قلتله ان اخري في الثقافة أفلام علي الكسار - وكأني المفروض ماتفرجش غير على الافلام اللي بيعرضها المركز الثقافي الروسي أو احضر نوادي السينما في سفارة السويد واسبانيا علشان ابقى مثقفة تمام !!
غير كده بقى لقيت هجوم كاسح من اتنين محترمين جدا الحقيقة كانوا بيتهموني بالجهل والغباء والبيضا **
واني قد ايه منعدمة الثقافة وغبية
هو لازم علشان ابقى سوبر مثقف أعرف حاجات أنا مش مهتمة اني اعرفها ؟
أو اني مضحكش على عنوان بالنسبة لي يبدو مضحك دون سخرية من الفكرة اللي جواه ؟
دي طريقتي على فكرة عالتويتر اني بقابل معظم الحاجات بسخرية, لاذعة في كتير من الأحيان
بس الناس قابلاني على عيبي ده ولو زودتها بلاقي اللي بينبهني فبعتذر لو كان الامر يتوجب الاعتذار وبس
أنا اللي ضايقني سفالة وقلة أدب الاخين الاناركيين اللي دخلوا في الخط وشتموا ابشع شتايم
كأنهم كانوا منتظرين حاجة زي دي..
بجد كنت مصدومة قوي في اللي عاملين نفسهم محترمين ولمجرد انك اختلفت معاهم "خلاف ظاهري " بقوا اسفل من اسفل بني ادم سافل ممكن تقابله في حياتك
طيب لو كان الاخ صاحب الحساب ويبدو انه عارفني لانه ناداني بـ اسمي ... يبدو كمان انه أنا مش عاجباه أو مضيقاة في حاجة وكان منتظر اللحظة اللي يفجر كل طاقته السلبية تجاهي وفعلا لقاها..
لو كان حاول يفهمني بدون سخرية من عدم معرفتي بالزابتاستيين أنا كنت ممكن احترمه كل اللي عمله انه قعد يقول لي قد ايه اني
تعيسة وانه "هناك ماهو افضل بكثير من أفلام فؤاد المهندس افضل بكثير واكثر ثقيفا
وان التجربة موجودة وحية وان هناك رفاق في تشاباس يدفعون ثمن تجربتهم بالحديد والنار ومرة اخرى والكلام لسة على لسان صاحب حسب الاناركيون العرب
مرة اخرى ليس معنى السلطوية ان اقبل بسخريتك وأرائك فمن حقي ان اضحد ارائك اسذا كانت غر مؤسسة على براهين
ثم اضاف الحاج صاحب الحساب : استاذة سارة -- طلع يعرفني يعني وكده - استاذة سارة إذا كانت معلوماتك عن زاباتا فيلم فقد المهندس فلا حاجة لنا ان نتعالى
على ثقافتك العظيمة
الراجل كان فعلا عنده حرمان انه يتجاذب اطراف الحديث مع بني ادمين من لحم ودم كونه ان كلمتي "ينفع الكلام ده والنبي " تخليه يعمل
كل الحوار ده هو والمحترمين الاشاوس اللي كانوا معاه ده معناه انه عنده فراغ اجتماعي متأصل
ومصدق لقى حد يطلع فيه همه
وأنا من مزنقي هذا بقول له أنزل أي شارع في مصر وقول" أنا اناركي " والواجب اللي هيتعمل معاك أنا مش مسئولة عنه
والله انت وغيرك بتصعبوا عليَّ
كان ممكن بأسلوب اهدى وايقاع ارسى من كده تفهمني بالراحة رغم اني مكنتش عاوزة افهم
واعتذرت من بداية الكلام بس هو فعلا كده الناس دي فاضية
كلامي طبعا ليس تعميما على كل اللاسلطويين
لأني أعرف منهم ناس محترمة جدا ومستعدين يبسطوا لك أي معلومات ويروحوا معاك لحد صحراء الكالهاري لحد مايقنعوك بفكرهم في الغالب انت مش بتقتنع بيه
بجد أنا حزينة
التعالي على الناس واسلوب الحوار أما يبقى كده من فئة تدعي الثقافة و تنادي بالحوار وعند أول يو ترن في الخلاف يقلبوا على الوش القبيح ده!!
اخص
مهم جدا ان الناس تفهم ان نقدك للموقف نفسة او للاشخاص محور الموقف ده مش للاناركية بشكل عام
ReplyDeleteاما بالنسبة للموقف فغريب انك "تتريقي" من غير حتي ما تقري ، انتي حرة طبعا حتي في ده بس هو كمان حر انه يجادلك ويتريق هو كمان
شايفك بتهاجمي الاناركية هنا وبتقولي انها مش موجودة في الشارع ، يجوز مش موجودة كحركة منظمة "بكثافة" لكن موجودة وفي بدايتها وبتنمو
اما الاناركية "لا مركزية السلطة" كفكر بغض النظر عن اي كلاكيع ايدولوجية فهي موجودة في وجدان كتير من شعبنا حتي من غير ما يكون مدرك ده ومش بعيد لو اتناقشنا شوية الاقيكي انتي شخصيا عندك افكار اناركية :)
التعالي عمره ما كان عقيدة فكر من الافكار بأستثناء "الفاشية والنازية" حتي لو القائمين علي الفكر ده متعاليين ، التعالي موجود ف الاشخاص يجوز بس بالتأكيد مش في الاناركية كفكرة
تحياتي ،
جملة " والنبي ينفع كده " مع ضحكه بسرعة كده سميته
ReplyDeleteهجوم ؟
سبحان الله
ده أنا في أول رد لي اعتذرت لصاحب الحساب عن سوء الفهم .. :))
يا استاذه انا وصفت التويتة بتاعتك بالتريقة مش بالهجوم
ReplyDeleteوقلت انك حرة في ده كمان
قصدت بالهجوم وصفك للفكر انه مش موجود ف الشارع
وان الاناركيين مايقدروش يعلنوا افكارهم ف الشارع
اما بالنسبة للموقف ككل فده مش هامنني اوي
دي حاجة شخصية بين ناس مااعرفهمش تقريبا يهمني بس الفكر الاناركي
فعلا المدونه ممتازه جدا بالتوفيق ان شاء الله
ReplyDelete