تمام كده اخدنا مسلمات كتيرة عن المسيحيين في مصر من غير مانفكر فيها أو نعديها على التجويف المليان مهلبية اللي فوق عنينا .... أخدت اراء المتوترين عن اهم الخزعبلات دي وكانت الردود كالتالي
المسيحي ريحته وحشة
ودي ردي عليها يتلخص في أنا أي حد فينا ممكن ينزل المترو ويركب تلات محطات بس وساعتها هيكون عنده يقين ان البلد كلها ارتدت وبقت مسيحيين . وليه تروح المترو ده أيام التحرير أما الدنيا بقت حر شوية قررت بيني وبين نفسي انه لازم يكون فيه جمعة اسمها جمعة مزيل العرق أو جمعة الديودرانت .
المسيحي اكله طعمه غريب
ده على أساس ان المسيحيين بيشتروا الخضار بتاعهم من جزر القمر والمية اللي بيطبخوا بيها بتيجي لهم من نهر الأمازون أو الميسيسيبي على افضل الفروض مش استغفر الله العظيم بياكل من نفس الخضار اللي مروي بمية الصرف الصحي ولا بيشرب مية التيفود بيرعى فيها .
المسيحي مزيت :
طيب بذمتك انت مصدق الكلام ده ؟ دهاحنا كمصريين ممكن ندخل موسوعة جينس للأرقام القياسية لتعدد أنواع الزيوت عندنا .. خد عندك زيت حار وزيت زيتون وزيت تموين وزيت عربيات وزيت درة وزيت الكافر أو مايعرف بزيت عباد الشمس .
المسيحي لونه مصفر
حوش حوش الشقر اللي بتتكعبل فيهم في كل حته واللي الدموية والصحة هاتبظ من وشهم ولا عندهم أمراض سوء تغذية ولا واخدين دهبية العالم في أمراض الكبد وفيروس سي ومحتفظين بها بلا منازع تلاتين سنة .
المسيحي حريف في السحر والشعوذة وبيعمل اعمال ماتخرش المية.
كانوا عملوا لنا كلنا عمل بخيبة الامل أكتر من الخيبة اللي احنا فيها دي ده غير ان الاحصائيات بتقول ان العالم العربي صرف على اعمال الدجل والشعوذة السنة اللي فات بس خمسة مليار دولار كان نصيب المصرييين منهم حوالي 10 مليار جنيه مصري وده مش كلامي ده كلام الدكتور محمد عبد العظيم الخبير بمركز البحوث الجنائية والاجتماعية بالقاهرة ...طيب مش كان أولى بيهم يعملوا اعمال للناس اللي مطلعة عنيهم ومخلينهم مش عارفين حتى يصلوا ؟؟
المسيحيين عندهم اسود واسلحة جوه الأديرة والكنائس
لا طبعا مش كدا انا اعدلك بعض الاسباب
ReplyDelete1- ان كل ما تكلم مسيحى يقولك ان مصر بتعتهم واحنا ضيوف فيها وعرب مش مصريين اصحاب ارض ومصيرنا نرحل منها
2- ان الدولة يبقى فيها وزير تعليم ووزير صحة وانت تلاقى فى دولة الكنيسة المبجلة اسقف شباب اسقف تعليم اسقف الصحة هو شباب دا غير شباب دولة مصر ولا حاجة
3- ان المسيحى لا يدرس عقيدته المسيحية ولا بيتكلم فيها قد ما بيدرس التشكيك فى الدين الاسلامى والمسلمين وشوف قناة الحياة وصوت المسيحى الحر واقباط المهجر وكم المواقع المختلف والميديا
4- ان اى حد يعلن اسلامه لازم يلف اديرة مصر والسجون اللى فيها لو مترجعوش عن الدين يطحن بحجاره واتفرج على فيديو البنت اللى اسلامت ومحدش دفع عنها واهلها بيقتولهافى الشارع بحجرة على رسها وبيجردوها من ملابسها .. ولا من يومين العائلة المسيحية اللى قتلت اختها ووجوزها واطفال يدوب خمس وسبع سنوات علشان اسلمت ودا بعد ما اوهموا اختهم انها خلاص مش عاوزينها ترجع وعاوزين يبقى فى ود وصلة رحم .وشرف الاسلام فوق اى شرف يااستاذ
5- ان تلاقى ديما يقولك نبرة الاضطهاد وهما على العكس خالص والدليل ركب عربيه فيها شيخ ازهرى وقسيس وخالى الاتنين يعدوا على ام اى لجنه فى مصر بتاع مرور هتلاقى الظابط وقف الشيخ وطلع عين اهله واشتباه ومعرفش اية ويجى عند القسيس يدوب يلمح اللون الاسود من على بعد يفتح له الطريق
6- ديما اقباط الهباب المهجر ومايكل منير و الباقية اللى هنا محسسنى ان الواحة الامريكية واحة الديمقراطية والامل المنشود هى اللى هتحميه وترجعلهم مصر وسعتها هيخالعو اللون الاسود ويبطلوا حداد
7- ان تلاقى ان المسيحى المفروض صلاة يوم الاحد ويتعمد يضرب الاجراس يوم الجمعة مع صلاتك علشان يشوش على المساجد
8- ان تلاقى وزارة الهباب الاوقاف تحدد خبطة الجمعة وما يقال فيها والكنيسة فى كوكب تانى وارض تانية ممنوع حد يتكلم عن خطبتهم واللى بيغزوه فى راعيها من كره وفكرة اضطهاد وكره لاسلام والمسلمين
9- ان لما تحصل مناوشة زى بتاع عبير كدا تلاقى سلاح طلع من الكنيسة واللى حوالية ويتم ضرب المتجمهرين وباعترفهم ان اللى ضرب نار مسيحى صاحب قهوة ولاء كمان يتم منع الناس اللى بتطفى الحريق علشان ياكدوا ان الملسمين كخة وخاصة السف رغم ان اللى بداء التجمهر كانوا الاخوان لضرب السف فى الساحة اكتر طيب هو انتوا بتصلوا فى الكنيسة ولا بتخبوا سلاح .. وباعتراف عبير لما الكنيسة حسة ان الناس جاية كتير خروجها من المحبس وقالولها اخرجى ودا قبل دقائق من التفتيش
10- ان الكنيسة لما كان زكريا بطرس بيسب الاسلام والرسول تقول هو مطرود من زمان ومالناش علاقة اطلاقا بقناة الحياة ولا لينا رقابة عليها وبقدرة قادر لما كاميليا قررت تظهر والكنيسة رفضت خضوعها للتحقيق وتقول انها هتظهر على قناة مصرية مسيحية تباعة للكنيسة فتظهر على قناة الحياة عند زكريا بطرس فمنين حضريتكم مالكوش سيطرة على القناة وهى بتسب الرسول وماهش تابعة للكنية ومنين جملة قناة مسيحية مصرية تابعة للكنيسة وتظهر عليها كاميليا
وغيره وغيره وغيره اعدلك ولا كفاية وعلى فكرة انا مش مع اللى بيحصل ولا مؤيدة ليه لكن عاوزة اقول ان روح التعصب موجودة فيهم قبل من تكون فينا احنا
الزيت الكافر .... يخرب بيت عقلك :))))
ReplyDeleteبس انتي كده بتلعبي في معتقدات الشعب على فكره .... كده مش هينفع الناس هتتلخبط ..
المفروض كل معتقد يتحط في بوست :) ..