skip to main |
skip to sidebar
المعلم والمخلوع
يبدو الخبر على بساطة صياغته عاديا , لكننا لو امعننا النظر فيه نجد ان له دلالة خزعبليه.
لماذا يزور حسن شحاته الرئيس المخلوع ؟
هل يريد المعلم مثلا ان يتوسط المخلوع" للمعلم " لدى منتخب اسرائيل لاقامة ماتش ودي ؟ فهو يعلم علم اليقين القرب التاريخي الجغرافي و "العاتشيفي " بين شرم الشيخ وتل أبيب .. فركة كعب يعني... ده حتى تلاقي " مبارك" بيروح يتعشى مع" بيبي" ويرجع واحنا نايمين في العسل.
ام أن حسن شحاته قد ذهب لاقناعه باقامة ماتش اعتزال في ستاد القاهرة الدولي بصفته اقدم قلب هجوم فيكي يا مصر ؟
ناس تانية ممكن تقول ان حسن شحاته راح يعرض على الكابتن المخلوع تصميم جيرسيهات المنتخب اللي كان هيشارك بيها في نهايات كاس امم افريقيا 2012 واللي الحمد لله صيفنا منها بدري.
متهيألي والله اعلم كده ان الرجل كانت نيته سليمة وكان ناوي خير اللهم اجعله خير انه يتفق مع جمال وعلاء ينضموا لفريق الكرة الخماسي اللي هيدربه المعلم- بعد مايسيب المنتخب إن شاء الله - ويلعب بيهم في الدورة الرمضانية اللي هاتتعمل في مركز شباب الجزيرة آه ماهي الايد البطالة نجسة والعمل عبادة .
هل زاره بصفة الصديق- ولا نقول الكلب - الوفي لسيده الذي احتواه وشجعه و وقف بجواره في اعتى اللحظات ؟
ده المخلوع ساب اللي وراه كله أيام حادثة العبارة وراح ماتش النهائي يا جدع والناس بياكلها السمك وبتقتلها برودة المياه بالتزامن مع برودة دم المسئولين والاهمال وقسوة قلب البلد على ولادها,, وقعد يشجع هو وحرمه ورئيس وزراءه وكامل طاقم الوزارة على مرأى ومسمع من الجميع.
........
حتى الآن لم يتم التأكد من خبر زيارة المعلم للمخلوع لانه و كما ذكرت جريدة الفجر في خبرها استنتجت خبر الزيارة الميمون من خلال برومو لبرنامج في قناة الحياة يذكر فيه المعلم انه قد ذهب الى شرم الشيخ لزيارة الرئيس واولاده
طيب إذا كان بهذه الصفة اللي هي صفة المدير الفني فالمفروض ألا يغفر له الشعب هذه السقطه لانه بذلك يتحدى الشعب وثورته وشهداء هذه الثورة ويبين لنا مدى وفاء الكلب للسيد .
كان أولى بهذا الشحاتة بصفته رمز للاسف فرضه علينا النظام من خلال سنوات التغييب .. تغيب شعب بأكمله واختزال كل انتصاراته إسهاماته بين أقدام أحد عشر لاعبا في ماتش كرة قدم أو بطولة. كان من الأولى به ان يزور أهالي شهداء الثورة .
لكن المدعو شحاته ابو كف يعلم علم اليقين ان هذه الايام ليست ايامه . الايام القادمة هي ايام بناء وجهد وكد وتعب لتأسيس مصر جديدة/ قديمة يفخر بهاالجميع وليست مصر المنتخب فقط . لكنها مصر المصنع والغيط والمدرسة و الجامعة وا لشارع.
........
مثل هذه الزيارات تفتح الباب على مصراعيه لمثل هذه الأفعال التي لا يمكن وصفها غير بالخسيسة. وبناء عليه نرجو ان تكون هناك ضوابط ورقابة على مقر اقامة الرجل المخلوع وأسرته ألا نترك الباب مفتوحا هكذا حتى لا نفاجأ المرة القادمة بزيارة بان جي مون أو العاهل السعودي أو ميس كلينتون أو عصام شرف لمقر البرنس .. عادي بقى .
.........
ثم ماذا قدم الريس حنتيرة لشحاته أثناء الزيارة ؟
هل عزمه على غدا مثلا ؟ ام انه اكتفى بكوب عصير برتقال فريش لان الحال اصبح غير الحال والفلوس والأرصدة متجمدة في سويسرا و بريطانيا والحالة كرب ؟ .. حتى لو قدم له كوباية عصير قصب فالكوبايه دي تمنها احنا اللي دافعينه زي ماكنا بندفع مكافآت منتخب الساكتين و مرتب الجهاز الفني من عرقنا وشقانا وضرايبنا.
.............
وبناء عليه:
إذا كان مقر المخلوع في شرم الشيخ سيصبح مزارا سياحيا وقبلة الافاقين والمتآمرين على هذا الوطن, فانا بصفتي مواطنة مصرية اطالب بأن يوضع هذا الرجل قيد اقامة جبرية مفعلة مش كده وكده.
كمان لو عاوزين يزوروه ممكن نعمل المكان اللي هو فيه مزار سياحي واللي عاوز يدخل يتفرج يدفع تمن التذكرة الاول يتفرج ويخرج وأهو كله يصب في اقتصاد الدولة و الاستقرار و يدور عجلة الانتاج اللي واقفة عان عاننن عاااااان
حاجة تحرق الدم
ReplyDeleteاسف اسلوب الحوار زعلنى
ReplyDeleteيا جماعة فى اية بس هو مش من حق كل فرد يختار ويعبر عن وجهة نظرة وفيها اية لما يكون الرجل بيحب الرئيس محمد جسنى مبارك لا هو عيب ولا حرام ولا زمب ربنا هيعاقبة عليه ولا يعطينا الحق نوصفة بصفة الحيوان (كلب) لوفائه لانه كل انسان لية مبداء وعقيدة حتى وان كانت خاطئة فحقة يعبر عنها وحقه نحترمها ونسمعها لان زى ماكان حقنا نستمع هى مش معركة جورج بوش اللى مش معايا يبقى ضددى ولا كل شوية كانه قراءن لازم نتذكر دم الشهداء وكانه دين وواجب لانهمش دين علينا نتذكرهم ولا واجب لان اى حد مكانهم بيعمل وهيعمل اكتر من كدا و فى غيرهم ضحى بنفسه ومازال فى اللى بيضحى
بنادى بالديمقراطية فى حين اننا من جوانا فينا نزعت الفرعون الديكتاتورية حتى والله الفرعون نفسه ماكانش ديكتاتور ودا من محكم التنزيل "قَالَ الْمَلَأُ مِنْ قَوْمِ فِرْعَوْنَ إِنَّ هَذَا لَسَاحِرٌ عَلِيمٌ * يُرِيدُ أَنْ يُخْرِجَكُمْ مِنْ أَرْضِكُمْ فَمَاذَا تَأْمُرُونَ * قَالُوا أَرْجِهْ وَأَخَاهُ وَأَرْسِلْ فِي الْمَدَائِنِ حَاشِرِينَ * يَأْتُوكَ بِكُلِّ سَاحِرٍ عَلِيمٍ * وَجَاءَ السَّحَرَةُ فِرْعَوْنَ قَالُوا إِنَّ لَنَا لَأَجْرًا إِنْ كُنَّا نَحْنُ الْغَالِبِينَ " فرعون كان بيستشير الناس اللى حواليه وبيسمعهم وبياخد برائيهم واحنا متمسكين بس برائينا وبنحقر اراء غيرنا