Saturday 15 January 2011

تونس


مبروك للتوانسة
ثورة أصلي خرجت من رحم أمة
ثورة بنت ابوها وامها
ثورة بنت حلال ابوها الشعب البسيط العادي وامها الحاجة والجوع والعوز والبطالة
ثورة بلا شعارات جوفاء
ثورة بحق وحقيقي

نزل الناس بدون أي دعوة
انتشرت الدعوة كما تنتشر نوبة الضحك الجماعي أو دور الانفلونزا
نزل الناس بصدورهم عارية يواجهون الموت
نزلوا وهم موقنون بأنهم ربما لا يرجعون بيوتهم مرة اخرى
نزلوا بلا قائد يدلهم على الطريق
بلا اعلام أو بانرات تصنفهم وتميزهم عن غيرهم أو يحتمون تحت لواءاها
نزلوا مسلحين ببعضهم البعض وبايمانهم ان التغيير لا يحدث الا بأيديهم وسواعدهم ودماءهم
لم ينتظروا لقاء تلفزيوني كوميدي يحركهم
أو تغريدة على التويتر تقول لهم انه لأمر مشين
لم ينتظروا وجود كاميرات التلفزة
لم يهتموا برابطة عنقهم أو بتصفيف شعرهم حتى يطلوا علينا طلتهم اللزجة
نزلوا بلا أي انتماء حزبي أو ديني أو أيديولوجي أو شنكوتي
نزلوا يحركهم حبهم لوطنهم ورغبتهم الجارفة لتونس أحلى واجمل واكثر خضارا
لعلها فرصة لنا كمصريين ان نتعلم الدرس
ونراجع انفسنا مرة اخرى فيما مانقوم به ونسأل هل نحن على الطريق ام حدنا عنه .

داء هذه الأمة نخبتها
علينا ان نقوم بالثورة على النخبة اولا ان نتحرر من تبعية عقول بال وأكل ونام وشرب عليها الزمن
مصر بحاجة الى ناس ناس عادية
ناس لا تحترف الظهور على الفضائيات وبرامج الصراخ والعويل والندب الحواري
ناس عادية سواقين تكاتك وبائعي خضار ومندوبي مبيعات
وموظفين غلابة مش عارفة تكمل ليوم 12 في الشهر .
..........

مصر تحتاج لنشطاء أكثر حبا لبعضهم البعض واكثر ايمانا ببعضهم
نشطاء متواضعون لا يستعلون على الاخرين ولا يتفاخرون بكم الزيارات والمؤتمرات التي حضروها
متى كانت الثورات تنبع من قاعات المؤتمرات ؟
ثورات مكتبية هي ؟؟

ان لم تستطيعوا ان تتغلبوا على احقادكم وعلى اتهاماتكم لبعضكم البعض بالتخوين والعمالة اركبوا مركب النخبة غير ماسوف عليكم
.....................

آخر حاجة آخر حاجة : اضحكني جدا نسب بعض المصريين لما حدث في تونس انه انتصار" للعلمانية " بجد اضحكني اضحكني يعني -بغض النظر ان احنا قاعدين ننظر اصلا على حاجة مش بتاعتنا أساسا وكده بس عادي -
اراهن لو الشهيد- باذن الله -محمد البوعزيزي نازع فتيل ثورة الخضرة لو قلت له انت علماني يا محمد
هيرد يقول لك لأ بس أعرف ناس قرايبي سافروا علمان و بيشتغلوا هناك

4 comments:

  1. والله كنت من شوية بقول كدا
    فيه ناس قاعد تقول " يا تري اللي حصل في تونس ممكن يحصل هنا !!! "

    اللي عايز يتحرر هيتحرر .
    اللي عايز يرفع الظلم هيرفع الظلم .

    ياريت بس الناس تخلي عندها دم

    ReplyDelete
  2. كان فية وقفة اليوم فى نقابة الصحفيين للابتهاج بثورة تونس ...كنت ناوى احضرها قلت ما بدهاش لانى داء هذة الامة
    فانى من نخبتها التى تطلبين الثورة عليهم اولا قيل كل شئ وان نتحررالامة من تبعية عقول بال وأكل ونام وشرب عليها الزمن
    مصر بحاجة الى ناس ناس عاديةوليس الى النخبةكما تقولين ....صديتى نفسى مارحتش

    ReplyDelete
  3. أولا حضرتك مش من النخبة اللي أنا اقصدها , حضرتك تاريخك يشرف أي حد ويتمنى يكون في ربع حجمك , حضرتك مش بتخدر الناس باحلام , حضرتك بتفتح عيونا على حاجات كتييرة احنا منعرفهاش أو مانوعش عليها وتقول خدوا بالكوا
    ولو كل ده مش مكفي ح
    مابتقفش تنظم الوقفة وتجيب الهتيفة تبعك وتظبط الأضاءة علشان حوار هنا أو برنامج هناك

    لو كل ده مش مكفي يقنعك ان مش انت المقصود كفاية ان وائل خليل تربيتك
    دمت لنا أبا ومعلما ومرشد وصديقا صدوقا
    واسفة جدا لو كلامي كان له اثر سلبي بجد اسفة ...

    ReplyDelete
  4. علي فكرة ياشمبو،اللي حصل في تونس هو إنتصار للشعب التونسي
    وأنا هعلق علي حكاية بوعزيزي،والعلمانية٠٠بوعزيزي كان شاب جامعي
    والتعليم في تونس مستواه عالي للغاية،فأنا واثق أنه كان عارف يعني إيه علمانية
    ولوتفتكري الشباب التونسي،اللي كانوا بيقابلوهم في المظاهرات،كان باين جداً في مستوي التعبير والتفكير،المستوي العلمي اللي بينتموا له،ومع ذلك واحد منهم،كان بيبيع خضار ومن هنا التناقض والظلم،وبالتالي الثورة٠٠تحية لشباب تونس الحر،وتحيةثوار ها،والمجد لشهداءها

    ReplyDelete