انت زهقت صح ؟
زهقت من الكلام عن اللي حصل واللي بيحصل ؟...واللي حاصل واللي هايحصل:
ماتيجي نخرج برة الصندوق
:D
الله يخرب بيت الصندوق على اللي جواه المهم ... عمك احمد عدوية بيقول ايه بقى
" في المولد ..مراجيح وعيال
ووشوش "دراويش" عمالة تبوح بكلام مسموح
وكلام مكتوم في قلوب الناس ..ممنوع يتقال"
الكلام هياخدنا تاني جوه الصندوق
جوه التحرير
بس أنا مش عاوزة ادخل جوه الصندوج
الجو جوه بقى غريب
من غير كلام كتير ولا تنظير انت عارف انه بقى غريب
ربنا يستر
عالمحور وأنا راجعة من شغلي
تلاحظ انه بقى عندي اصرار عظيم و بقيت أتكلم واقول" شغلي" دي كتير
الغريب اني متضايقة جدا من شغلي بس يللا هنعمل ايه
نرجع بقى وأنار اجعه من المأسوف على شبابه وواحد من زمايلي بينزل من العربية على مدخل المعادي
لاحظ برضه اني بقيت أتكلم بثقة شنيعة عن الاماكن في القاهرة ولا جوجل ايرث رغم اني لو السواق مش هو اللي بيوصلني كل مرة وحافظ الطريق بيبقى ليلة سودة اني اشرح موقع بيتنا فين من الكرة الأرضية المهم يعني
واحد شقيان شقى السنين كان واقف
ماسك شنطة بلاستيك
غالبا فيها هدوم الشغل ولابس شبشب جلد بصباع ومستني أي عربية توصله رمسيس هو كان بيقول كده للسواق : ماتاخدني معاك رمسيس يا أسطى ينوبك في ثواب
طبعا "يا أسطى" ولا عبره
جه على بالي ساعتها هاش تاج توويت باك اللي كان بيحاول يجمع تبرعات لمكان جنب المعادي اسمه "عزبة خير الله " و 95% من التغريدات عن الحدث الجلل باللغة الانجليزية الرصينة وايه بقى الحدث الجللل برضه معمول في فندق خمس نجوم
.....
وترجع تاني اغنية عدوية تزن في دماغي
المولد ...مليان احوال والزحمة براح
والليل بيفوت وأنا من عشقي لحكمة ربك في الملكوت
ماشي باسبح رب الخلق وسط الخلق
زهقت من الكلام عن اللي حصل واللي بيحصل ؟...واللي حاصل واللي هايحصل:
ماتيجي نخرج برة الصندوق
:D
الله يخرب بيت الصندوق على اللي جواه المهم ... عمك احمد عدوية بيقول ايه بقى
" في المولد ..مراجيح وعيال
ووشوش "دراويش" عمالة تبوح بكلام مسموح
وكلام مكتوم في قلوب الناس ..ممنوع يتقال"
الكلام هياخدنا تاني جوه الصندوق
جوه التحرير
بس أنا مش عاوزة ادخل جوه الصندوج
الجو جوه بقى غريب
من غير كلام كتير ولا تنظير انت عارف انه بقى غريب
ربنا يستر
عالمحور وأنا راجعة من شغلي
تلاحظ انه بقى عندي اصرار عظيم و بقيت أتكلم واقول" شغلي" دي كتير
الغريب اني متضايقة جدا من شغلي بس يللا هنعمل ايه
نرجع بقى وأنار اجعه من المأسوف على شبابه وواحد من زمايلي بينزل من العربية على مدخل المعادي
لاحظ برضه اني بقيت أتكلم بثقة شنيعة عن الاماكن في القاهرة ولا جوجل ايرث رغم اني لو السواق مش هو اللي بيوصلني كل مرة وحافظ الطريق بيبقى ليلة سودة اني اشرح موقع بيتنا فين من الكرة الأرضية المهم يعني
واحد شقيان شقى السنين كان واقف
ماسك شنطة بلاستيك
غالبا فيها هدوم الشغل ولابس شبشب جلد بصباع ومستني أي عربية توصله رمسيس هو كان بيقول كده للسواق : ماتاخدني معاك رمسيس يا أسطى ينوبك في ثواب
طبعا "يا أسطى" ولا عبره
جه على بالي ساعتها هاش تاج توويت باك اللي كان بيحاول يجمع تبرعات لمكان جنب المعادي اسمه "عزبة خير الله " و 95% من التغريدات عن الحدث الجلل باللغة الانجليزية الرصينة وايه بقى الحدث الجللل برضه معمول في فندق خمس نجوم
.....
وترجع تاني اغنية عدوية تزن في دماغي
المولد ...مليان احوال والزحمة براح
والليل بيفوت وأنا من عشقي لحكمة ربك في الملكوت
ماشي باسبح رب الخلق وسط الخلق
شكر خاص" لهاني" السواق انه عرفني على اغنية في المولد
