أخبار العالم العربي والتحولات السياسية
3 months ago
Sunday, 20 December 2009
Friday, 18 December 2009
أي حاجة
مش عارفه با لظبط أنا هاكتب إيه واعزوروني لو مش هتفهموا أي حاجة بس اللي بيحصل على توتير كتير. الاصل في الموضوع هو الحريه كل بني ادم- على الاقل على الويب - حر يقول افكاره براحته طالما لم يتعدى حدوده على الاخر . كل ما ينادي بيه البلوجرز وبيتبهدلوا علشانه ويتسحلوا من اجله بيطبقوا عكسه تماما ويصادروا أي أفكار لمجرد انها لا تتفق وافكارهم !!.. قابلت ناس كتيره محترمه وليها مواقف بس لما حد يجي عند المعتقد بتاعهم يجيلهم رهاب الاماكن المغلقه أو فوبيا السطوح ..هو فيه إيه احنا احوج مانكون إننا نتفق . اسفه إذا كنت فاكره نفسي واحده من البلوجرز بس يعني على الاقل كومبارس ناطق أو اعتبروني مراقب لا ناقه له ولا جمل .. يا ريت يا جماعه نسيبنا من كل الاتهامات للقاصي والداني لمجرد اختلافه معانا في التوجه أو الرأي يا ريت كمان مانصنفش الناس دع الخلق للخا لق اللي ناصري أهلا بيه واللي اخواني مرحبا والساداتي يا ويلكوم واللي مباركي مراحب والشيوعي والإشتراكي والبرادعي البلوي والكارته اللي حنا فيها كبيره ومحتاجه الكل.. الكل بمعنى كل المخلصين والشرفاء اللي كل أملهم إن البلد دي تتغير
عذرا للاطالة
Tuesday, 24 November 2009
خمسة أسباب علشان تبقى بلوجر
صباح الندى
1- إحساسك إنك ممكن تعمل حاجة ولو بسيطة يكون ليها معنى ده في حد ذاته أهم سبب من بعد الشرامن على النت بقى بدأت تفوق لنفسك يابني/يا بنتي و تسيبك من أمازون اللي خرب بيت اهلك دهوتبدأ تحس إن فيه حاجات تانية تقدر تعملها غير الشوبينج .
2- (مجرد إنك يبقالك رأي دي حاجة جامدة جدا (آخر حاجه)
3- أما تبص حواليك كده وإنت قاعد في أمان الله إذ فجأةً تلاقي الدنيا كلها وكل اللي عرفته واهلك طفحو الدم وعلمهولك تم اختزاله في ماتش كرة قدم بين مصر والجزائريبقى محتاج تقول رأيك .
4-إنك تكون مأنتخ ومش عارف تعمل إيه أو تفيد بلدك بإيه أهو أتكلم أحسن ماانضم لطابور الخرس الناقمين من غير أي فعل (احنامجرد ردود أفعال على فكرة وعمرنا ما كنا فعل أبدا ) .
5 وهو اهم مافي الموضوع الصراحة يعني إنه يكون عندك برنامج مايكروسوفت مارين
lidil
مساء البرتقال
كنت نازلة النهارده أجيب حاجات للبيت من محل اسمه ليدل واقفة في الطابور لمحت جارنا جزائري هو بس - متحفظ شوية في كلامه - واقفة قدامي ست رومانية اللي هم لابسين ايشارب وحاطين سنه دهب كده . ماعلينا المهم الست كانت بتحاسب على حاجات اشترتها غالبا بيكونوا فقراء قوي الناس الرومانيين دول أو البولندين اخدت الحاجات فـالكاشير طلب منها الفلوس حوالي عشرة جنيه استرليني فـسألتها ليه" هي بكام الفرخة ؟" ردت عليها قالت لها ب 3 جنيه قالت لها" أوكيه بلاش الفرخة شيليها "كان فيه على الكاشير اللي جنبنا ست انجليزية- في عقدها الخامس- فـسألت االكاشير بكام فـقالها قلت له أوكيه اديها للست وأنا هحاسب عليها رحت أنا بقى بصة للجزائري ده بصة كلها عتاب ولوم قلتله: شفت- من غير مايكون بيني وبينه قبل كده أي كلام- قولت له اتفرج وافرح يا أستاذ شفت لا تعرفها ولا من جنسها ولا من ديانتها ولا أي حاجة بس عملت إيه معاها واحنا بناكل في بعض علشان ماتش كورة الراجل معرفش يرد وقالي واللهِ يا بنتي ماعارف اقول إيه أنا متفرجتش على الماتش أصلا ودي مؤامرة على دينا وعلى شعوبنا قلت له المؤامرة لما تيجي من برة ادينا عارفين من هو عدونا أما لما تجي من جوانا فتلك الكارثة
Subscribe to:
Posts (Atom)
